一個也不能少 – 11月28日 Day39 禁食禱告
一個也不能少 – 11月27日 Day38 禁食禱告
06/12/2017
一個也不能少 – 11月29日 Day40 禁食禱告
07/12/2017
聖靈顯在各人身上、是叫人得益處。這人蒙聖靈賜他智慧的言語．那人也蒙這位聖靈賜他知識的言語．又有一人蒙這位聖靈賜他信心．還有一人蒙這位聖靈賜他醫病的恩賜．又叫一人能行異能．又叫一人能作先知．又叫一人能辨別諸靈．又叫一人能說方言．又叫一人能翻方言。這一切都是這位聖靈所運行、隨己意分給各人的。 哥林多前書 12:7 ~ 11
親愛的天父，我哋感謝你，
因為你差派你的獨生兒子耶穌基督，
來到這世界，為我哋被釘死喺十字架上，
為我哋流出寶血，洗乾淨我哋嘅罪，
以致我哋可以同神和好，並且拯救我哋嘅生命。
主啊，我哋讚美你，
你係一個滿有恩典同埋愛嘅神，
你愛年青人，你愛佢哋每一個，
求你拯救每一個年青人，
拯救佢哋嘅靈魂，
求主你比佢哋能夠遇見你，
經歷你嘅愛。
奉主耶穌嘅名去宣告我哋嘅年青人會相信你，
歸向你，並且經歷聖靈的大能，
讓佢哋各方面都得到益處。
主啊，在你裏面有豐富嘅恩典，
求你祝福我哋嘅年青人，佢哋有各樣嘅恩賜，
求你賜比佢哋有智慧嘅言語，知識既言語，
讓佢哋 可以不斷去祝福人，
求主你賜比年青人對神你有莫大嘅信心，
就是能夠叫山移去海，都能夠發生，
主啊求你憐憫，
求主你興起年青人能夠有治病嘅恩賜，
行異能嘅恩賜，
叫神蹟奇事隨著他們出現，
為的是榮耀你的名，亦求主興起年青人，
培育佢哋成為你嘅先知，與你同工，
祝福年青人能夠辨別諸靈 ，
不單只識得講方言並且識得翻方言。
主呀，感謝你，因為你要使用年青人，
佢哋要進入到人群裏面成為你嘅光同埋你既鹽，
要影響這一個世界，成為神所喜悅嘅兒女。
奉主耶穌的名禱告阿們
